Segue aumentando o número de afiliacións á Seguridade Social en actividades vinculadas ao turismo

Galicia rexistrou un total de 72.044 afiliacións en xuño neste sector, o que representa o 7,62% do total de afiliacións á Seguridade Social en Galicia. Comparativamente, contabilizáronse 2.927 afiliacións máis que en maio deste ano, e 859 afiliacións máis que en xuño do ano pasado. Por ramas de actividade, os servizos de comidas e bebidas significa un 84,29% do total de afiliacións en actividades turísticas en xuño de 2012, seguido polos servizos de aloxamento, cun 13,44% do total de afiliacións nas ramas turísticas. Por último, as afiliacións en actividades de axencias de viaxes, operadores turísticos e servizos de reservas supuxeron o 2,27% das afiliacións do sector.