Un verán de golf en Pantón

Ata setembro, oito torneos disputaranse nas instalacións deportivas do OCA Augas Santas Balneario & Golf Resort. Arquivo EC

Pantón está a acoller unha intensa axenda de eventos vinculados ao golf durante os meses de xullo e agosto. Nas primeiras semanas do verán, as instalacións deportivas do OCA Augas Santas Balneario&Golf Resort celebraron as probas correspondentes ao V Torneo International Pairs 2012 e o V Open Terra Sacra. Asimesmo, o día 24 de xullo tivo lugar unha proba do torneo Ruta do Viño 2012, que se ven celebrando en 10 campos galegos, e que acolle en Augas Santas a un total de 150 xogadores. As 10 probas contan con cadanseu patrocinador, que no caso da proba de Augas Santas é a adega Abadía da Cova.

CAMPEONATO BENÉFICO

O día 25 de xullo disputouse o II Campeonato de Golf UNICEF- Aldeas Infantiles, unha proba de carácter benéfico que destinará toda a recadación a apoiar o traballo destas dúas organizacións humanitarias en prol dos dereitos da infancia.

PRETO DE 200 PARTICIPANTES NO CIRCUITO PREMIUM GAMBITO

O evento estrela da temporada de verán será o Circuito Premium Gambito 2012, que se celebrará entre o 4 e o 5 de agosto. Este circuito xógase nos mellores campos de golf, correspondendo a Mondariz, Meis e Augas Santas o desenvolvemento das probas en Galicia. Según suliñaron os responsables de golf do complexo OCA Augas Santas Balneario&Golf Resort, está prevista unha participación de 200 personas, xa que é unha das probas con maior volume de xogadores do calendario.

O TORNEO JOYERÍA CAMILO CUMPRE 17 EDICIÓNS

O complexo de Augas Santas acollerá, un ano máis, o Torneo Joyería Camilo, unha cita tradicional nos veráns de golf que acada xa a súa decimosétima edición. Este torneo xógase na fin de semana do 18 e 19 de agosto nas instalacións de Augas Santas e no campo do Río Cabe.

TORNEO PRINCESA LETIZIA

O día 25 de agosto, e como remate das probas de verán, o complexo de Pantón acollerá o Torneo Princesa Letizia, unha iniciativa asturiana que chega por vez primeira a Galicia, co fin de abrir o ámbito xeográfico de celebración desta proba, que se xoga maioritariamente no Principado.

ESCOLA DE GOLF

Por outra banda, está en marcha o terceiro trimestre das Escolas de Golf, con 50 inscritos, que desenvolven as actividades os mércores e xoves, na modalidade de adultos, e nas fins de semana na modalidade infantil. Os responsables de golf do complexo OCA Augas Santas Balneario&Golf Resort califican de “moi positiva” a acollida desta Escola, e suliñaron a importancia de “potenciar a prática e o coñecemento do golf, o que repercute tamén nun retorno ás instalacións do complexo”.

Deixa unha resposta

Your email address will not be published.

Nova Anterior

Pantón, punto de partida do Viñobús nos domingos do verán

Seguinte Nova

Firmado en Quiroga o convenio entre a Xunta e o Consorcio Ribeira Sacra

Últimas noticias sobre ASOCIACIONISMO

   
A %d blogueros les gusta esto: