A Deputación de Lugo é a máis saneada de Galicia, e a 6ª de toda España
Os responsables provinciais presentaron estes datos explicando que na súa xestión “non deixamos de investir en emprego e benestar social”
A Xunta de Goberno da Deputación de Lugo aprobou a finais do mes de xuño unha nova rebaixa dos gastos correntes, co que a entidade provincial leva aforrados un total de 2,6 millóns de euros no que vai de ano. Neste caso, aprobouse a contratación do material de oficina para as dependencias provincias por valor de 68.000 euros, 22.400 euros menos con respecto ao prego anterior, o que supón un aforro de máis do 30%.
“ENORME ESFORZO NO CONTROL DE CUSTES DE TODAS AS ÁREAS”
Según explicou Manuel Martínez, voceiro socialista no ente provincial, esta decisión súmase a outras medidas similares, como a rebaixa en 2,2 millóns de euros na partida de gastos correntes no Presuposto provincial para 2012, o que supón “un aforro do 12,31% nesta partida con respecto ao ano pasado”, grazas a “un enorme esforzo no control de custes de todas as áreas provinciais”.
AFORRO GRAZAS Á AXENCIA ENERXÉTICA E Á IMPLANTACIÓN DO PROGRAMA INNOVA-TE
Asimesmo, Martínez comentou que o traballo realizado “polos profesionais da nosa Axencia da Enerxía” fixo posible a reforma do contrato para o suministro eléctrico nas dependencias provinciais, cunha redución do 25% na factura eléctrica, o que supón 130.000 euros anuais. Por outra banda, a implantación de novos mecanismos informáticos con fondos europeos do programa Innova-TE fixo posible, según precisou o voceiro socialista, “que se poideran rexistrar as necesidades do servizo de telefonía nos diferentes departamentos da Deputación e, en base a estas, adaptar a prestación do servizo ata acadar unha rebaixa do 48% nos gastos de telefonía”, cun aforro anual de 236.000 euros. Outra das medidas para axustar os gastos correntes aplicouse aos custes dos equipos multifunción (fotocopiadoras e impresoras), para as que se estableceu un contrato de aluguer que evitou a compra destas pezas e os seus gastos de mantemento, incluídos na adxudicación, e que supuxo un aforro de 25.000 euros nesta partida. Pola súa banda, a substitución do papel timbrado que antes se encargaba a unha imprenta por plantillas feitas polo persoal provincial implicou un aforro de 20.000 euros.
MENOS ENDEBEDAMENTO DA ENTIDADE PROVINCIAL
En canto aos custes financieiros, o Pleno do 31 de xullo aprobou unha nova redución do endebedamento da Deputación de Lugo por valor de 3,6 millóns de euros. Según explico a deputada responsable da área de Economía, Recadación e Facenda, Pilar García Porto, esta cantidade súmase á rebaixa de 7,8 millóns de euros contemplada no Orzamento de 2012. Á vista destas cifras, García Porto destacou que “de manter o mesmo nivel de amortización anual dos últimos 5 anos, o Goberno provincial fará que a débeda da Deputación sexa cero ao rematar o mandato”. Trala a amortización acordada en dita sesión plenaria, o endebedamento da Deputación de Lugo sitúase nos 51 millóns de euros, logo que de o Goberno provincial rebaixase o déficit financieiro en 38,7 millóns de euros dende 2007.
A DEPUTACIÓN DE LUGO, A MÁIS SANEADA DE GALICIA, E A 6ª DE ESPAÑA
Na súa intervención, a responsable provincial de Economía, Recadación e Facenda suliñou que, según datos oficiais do Ministerio de Facenda, na actualidade a Deputación de Lugo figura como a máis saneada de Galicia, así como a sexta en España, detrás das Deputacións de Cidade Real, Soria, Segovia, Ávila e Zamora. García Porto destacou que, “en contraposición, e segundo datos do Banco de España, Galicia é a quinta Comunidade con maior volume de débeda xa que, só no primeiro trimestre de 2012, o Goberno galego aumentou a súa débeda nun 19,5%”.
RACIONALIZACIÓN DO GASTO E MÁIS INVESTIMENTO EN EMPREGO E BENESTAR
Con estes datos na man, Pilar García Porto comentou que “na Deputación de Lugo somos previsores, realizamos unha xestión eficiente dos recursos, racionalizamos o gasto e mantemos unha situación saneada, sen recortar nas políticas de emprego e benestar social, como instrumentos fundamentais para fixar poboación”. Neste sentido, a deputada responsable de Economía lembrou que o organismo provincial ven de poñer en marcha a segunda fase do Pacto polo Emprego, que beneficiará sen custe algún a 340 parados na provincia con formación e práticas remuneradas. García Porto suliñou que o Plan Integral Agropecuario Forestal formará gratis a 900 persoas para crear máis dunha ducia de empresas, e lembrou o aumento en 5,3 millóns de euros no orzamento para a cooperación cos Concellos e benestar social.
