UGT-Lemos critica o sistema de renovación da concesión de limpeza do Concello de Chantada

O sindicato considera que o alcalde “se equivoca ao deixar que só concurse unha empresa, xa que esta presentou un presuposto que non chega nin para pagar á plantilla e o gasóleo do camión”, polo que consideran que “deben abrirse novas plicas”. UGT-Lemos augura unha “gran conflictividade social” entre os traballadores e o sindicato coa Alcaldía chantadina “por considerar que se lle dá a concesión a unha empresa insolvente e sen garantías de prestar un bo servizo ós cidadáns de Chantada”. Mario Docasar, secretario xeral de UGT-Lemos, indicou que dende o sindicato e a Federación de Servizos FES-UGT presentaron un recurso, e están á espera de que se execute este contencioso.