1,4 millóns de euros para apoiar a inserción laboral de persoas con discapacidade

Con esta partida orzamentaria, a Xunta de Galicia pon en marcha dúas liñas de axudas á contratación que beneficiarán, según os responsables da iniciativa, a preto de 410 traballadores e traballadoras desempregados e con discapacidade, “na aposta do Goberno galego por acadar un mercado laboral accesible, inclusivo e de calidade”. Por unha banda, establécense axudas do programa de fomento da contratación das persoas con discapacidade na empresa ordinaria que establece incentivos para a creación de emprego. A segunda liña de axudas é o programa de emprego con apoio, como medida de fomento de emprego de persoas con discapacidade no mercado ordinario de traballo. Ambas liñas de axudas están publicadas no DOG do 27 de agosto, e o prazo para solicitalas remata o 27 de setembro.