O papel do Community Manager e as técnicas do streaming en audio e vídeo protagonizan os cursos do mes de setembro no telecentro de Sarria

A partir do 10 de setembro, a Aula CeMit de Sarria acollerá un curso sobre o papel do Community Manager e outro sobre técnicas de streaming en audio e vídeo, integradas no Programa de Dinamización 2012 da Rede de Centros para a Modernización e Inclusión Tecnolóxica (CeMIT) de Galicia. Estes cursos, gratuítos e de quince horas de duración cada un, desenvolverase baixo o sistema de videoconferencia da aula CeMIT, o que permitirá participar nas clases en modalidade presencial e telepresencial.

O curso sobre streaming de audio e vídeo terá lugar do 10 ao 13 de setembro, e centrarase nas diferentes tecnoloxías para a xeración de contidos para streaming, así como nas ferramentas necesarias para crear este contido. Por outra banda, a través da actividade sobre o papel do Community Manager, que se desenvolverá do 24 ao 27 de setembro, preténdese que os participantes acaben coñecendo a variedade de ferramentas de traballo que lle son útiles ao Community Manager no seu día a día.