O concerto, gratuíto e no que actuarán dez grupos, celebrarase no Parque dos Condes
Despertar na xente nova un interés polas actividades culturais dende a perspectiva de tomar a iniciativa delas foi o espíritu que animou a un grupo de vinte xóvenes monfortinos a constituir, hai un ano, a asociación Náufragos do Paradiso. Un dos seus retos, según explican os seus integrantes, era a organización dun festival de música destinado á xente nova, aínda que aberto a todo tipo de público. O obxectivo está a piques de ser cumplido, xa que o sábado 15 de setembro a partir das cinco da tarde, un total de dez grupos musicais animarán o entorno do Parque dos Condes no chamado Festival do Paradiso.
OFERTA VARIADA PARA UN PÚBLICO XUVENIL
Reggae, rock, ska e techno serán, entre outras, as propostas musicais que poderán disfrutarse nesta nova cita do calendario lúdico para a mocidade do sur de Lugo, e que conta co atractivo de ser unha iniciativa non institucional. Según explican os integrantes da asociación Náufragos do Paradiso, “entre os socios participantes fixemos un reparto de tarefas a realizar desde o primeiro dia de agosto, e aínda non deixamos de traballar para que o día do Festival resulte todo ben”. Esta forte motivación deu o seu resultado, xa que un total de 80 locais e empresas locais apoiaron este Festival, así como dous patrocinadores máis potentes, “e tamén vinte socios novos que aportaron o seu gran de area”.
DINAMIZACIÓN A TRAVÉS DO TECIDO ASOCIATIVO XUVENIL
A pesares da súa corta idade como asociación, os Náufragos do Paradiso xa levan realizado un Magosto Popular o ano pasado, una marcha cicloturista, una quedada LAN para compartir e xogar en rede entre os asistentes, e tamén participaron activamente na última feira Medieval celebrada na vila do Cabe. A súa intención é continuar por ese camiño, o da dinamización cultural e social de Monforte, xa que “se temos a oportunidade seguiremos realizando actividades culturais”.
