A cova lucense contén “os primeiros restos de arte parietal paleolítico en Galicia”
No mes de agosto déronse a coñecer os resultados dos traballos arqueolóxicos que se veñen a realizar na Cova Eirós, en Triacastela, e que confirman o achado “dos primeiros restos de arte parietal paleolítico en Galicia que se traducen en indicios de restos de pinturas e gravados rupestres nas paredes da Grande Sala da citada cavidade”. Así o confirmou o conselleiro de Cultura, Educación e Ordenación Universitaria, Jesús Vázquez Abad, na súa visita ao emprazamento de Triacastela, acompañado polo director do proxecto, Ramón Fábregas, os coordinadores das escavacións, Arturo de Lombera Hermida e Xosé Pedro Rodríguez; así como o reitor da USC, Juan Casares Long.
O titular de Cultura destacou este “importante descubrimento”, enmarcado nun proxecto de investigación que conta co respaldo da Consellería de Cultura e Educación, a través dunha achega de máis de 13.000 euros, e do apoio técnico da Dirección Xeral de Patrimonio. Estas investigacións forman parte do proxecto “Ocupacións humanas durante o Pleistoceno da cunca media do Miño”, que se ven desenvolvendo dende 2008 co obxecto de investigar ocupacións correspondentes ao Paleolítico no Noroeste peninsual. Os técnicos explicaron que ata o de agora xa se localizaron varios niveis de ocupación do Paleolitico Medio e Superior de entre 85.000 e 35.000 anos. Ademais, se comprobou que a cova tamén foi ocupada na Idade de Bronce e Media.
