Sarria acollerá o vindeiro curso unha unidade da Escola Oficial de Idiomas

Haberá tres ciclos de inglés, e as clases impartiranse nas aulas do IES Gregorio Fernández

Dende o 1 de setembro entrou en funcionamento a nova sección da Escola Oficial de Idiomas de Lugo en Sarria, que permitirá a 90 alumnos mellorar as competencias lingüísticas en inglés durante o curso 2012-2013. Esta modalidade educativa impartirase nas dependencias do IES Gregorio Fernández.

CICLOS FORMATIVOS E PRAZOS DE INSCRIPCIÓN

Deste xeito, en Sarria impartirase un ciclo de inglés de nivel básico e dous ciclos de nivel intermedio do mesmo idioma. Según informaron os responsables da Consellería de Cultura, Educación e Ordenación Universitaria, os interesados nesta nova oferta formativa en Sarria deberán formalizar a preinscripción entre o 1 e o 15 de setembro a través da web www.eoidigital.com/preinsxunta. O listado de adxudicación das prazas poderase comprobar a partir do 18 de setembro ás 23.00 horas na web. Os admitidos deberán matricularse entre o 19 e 26 de setembro.

FACILITAR A APRENDIZAXE DE IDIOMAS AOS RESIDENTES FÓRA DAS CIDADES

Segundo informaron dende a Consellería de Educación, esta nova sección da Escola de Idiomas de Lugo en Sarria, así como a de Burela, foron creadas na provincia ao abeiro do Plan de Potenciación das Linguas Estranxeiras, que ten nas escolas de idiomas un dos seus piares fundamentais, polo seu papel como centros para a cualificación e certificación tanto dos docentes, como do resto da cidadanía. Os obxectivos desta estratexia buscan facilitar o acceso ao plurilingüismo ás persoas que non residen nas cidades, e avanzar na igualdade de oportunidades respecto ás ensinanzas de linguas estranxeiras que se ofertan nas Escolas Oficiais de Idiomas.

Deixa unha resposta

Your email address will not be published.

Nova Anterior

Ribas de Sil e A Pobra do Brollón acolleron a programación “Falaredes”, que promociona o lecer en galego para os máis cativos

Seguinte Nova

Formación e vangarda a custe cero para todos na Aula CeMIT de Sarria

Últimas noticias sobre CULTURA

     
A %d blogueros les gusta esto: