Ao longo do mes de agosto, dende o Concello de Sober desenvolveron unha iniciativa para a mellora da sinalización xeral do termo municipal, a través da recuperación de sinais duplicadas ou almacenadas sen uso nas dependencias locais, co fin de garantir unha mellor sinalización de máis núcleos de poboación, puntos de interés turístico e indicacións de tráfico dentro e fóra dos núcleos urbanos. Así, preto de medio centenar de lugares do concello contan xa con indicador de poboación, e se traballa en aumentar o número de núcleos sinalizados. Tamén se colocaron máis sinais nos miradoiros do Sil, recuperando elementos sinaléticos duplicados ou mal situados. Emplazáronse ademais diversos sinais para a mellora do tráfico rodado, na capital municipal e nas estradas de titularidade municipal.
Según os responsables locais, esta iniciativa acada un triple obxectivo, ao mellorar a sinalización, reciclar material fóra de uso e aforrar así unha importante cantidade de diñeiro. Asimesmo, dende o Concello solicitaron con éxito melloras da señalización en estradas de titularidade provincial, autonómica ou estatal, de xeito que, por exemplo na N-120, foron colocados indicadores de Sober no sentido Ponferrada-Ourense.