Xullo aumenta nun 6,74% as afiliacións á Seguridade Social en actividades vinculadas ao turismo

Según os datos aportados pola Xunta de Galicia, o mes de xullo de 2012 rexistrou un total de 76.902 afiliacións nesta rama profesional, 51.394 segundo o réxime xeral e 25.508 segundo o réxime de autónomos, e que representan o 8,05% do total de afiliacións á Seguridade Social en Galicia. As afiliacións vinculadas aos servizos de comidas e bebidas foron de 64.359 persoas, mentres que os servizos de aloxamento rexistraron 10.928. Os datos referentes ás actividades de axencias de viaxes, operadores turísticos, servizos de reservas e actividades relacionadas con estes rexistraron 1.615 afiliacións. As afiliacións nas actividades turísticas da comunidade galega representaron neste mes de xuño o 5,28% do total da afiliación neste tipo de actividades en España, por detrás de Cataluña, Andalucía, Madrid, Valencia,Baleares e Canarias.