O IPC mensual de agosto rexistrou en Lugo un incremento de dúas décimas máis que no resto das provincias galegas

O 0,8 de Lugo tamén está por encima do 0,7 rexistrado en Galicia, e do 0,6 en España. A taxa interanual de Lugo sitúase no 3,0, igualado con Ourense e por riba dos índices de A Coruña e Pontevedra, 2,3 e 2,6 respectivamente, e do 2,7 de España e do 2,6 de Galicia. Na nosa Comunidade, os grupos cun comportamento menos inflacionista en agosto foron os de vestido e calzado, que baixou un 0,7%, e as medicinas, cun descenso do -0,5%. Por outro lado, a maior suba de prezos produciuse no transporte, cun aumento do 2,2%, e na hostelería, cun aumento do 1,1%. En termos interanuais, a maior suba correspondeu ao tabaco e bebidas alcohólicas, cun aumento do 9,2%, a vivenda, cun 7,4%, as mediciñas, cun 5,3% e o transporte, cun 5,1%.