O Parador de Monforte promocionará os produtos cabeceira de marca de Galicia

En virtude dun convenio entre Paradores de España e Turismo de Galicia, os once paradores da nosa Comunidade promocionarán durante un ano os Galicia Top Ten -os dez Lugares Únicos de Galicia-, os eventos de turismo cultural, e a gastronomía galega. Os responsables desta iniciativa explicaron que a promoción gastronómica desenvolverase “grazas a unha oferta de mercado que preserve, difunda e potencie a gastronomía local baseada en produtos típicos rexionais, unha baza fundamental á hora de potenciar o turismo”. Asimesmo, o convenio recolle o compromiso de Paradores para difundir a través das súas canles habituais a proposta de turismo cultural, actos e eventos conmemorativos organizados pola Secretaría Xeral para o Turismo, como oferta complementaria ao aloxamento nos seus establecementos.