Pantón acolleu a entrega de premios do II Circuito de Golf Senior Turismo de Galicia
O Hotel Balneario OCA Augasantas foi o escenario da entrega de premios do II Circuíto de Golf Senior organizado por Turismo de Galicia, e que contou coa participación de 366 xogadores ao longo de seis probas clasificatorias celebradas en Madrid, Asturias, Castela e León, Cantabria, País Vasco e Navarra. A fase final foi disputada no complexo de Augasantas, onde participaron catro finalistas por cada unha das probas clasificatorias, e os gañadores recibirons os seus galardóns de mans da secretaria xeral de Turismo, Carmen Pardo, acompañada polo alcalde de Pantón, José Luís Álvarez, o director do Hotel Balneario Augas Santas, Lalo Crespo, e mais o director de Golf de Augas Santas, Rafael Sáenz-Díez.
ENTIDADES COLABORADORAS
A segunda edición do Circuíto de Golf Senior, organizado por Turismo de Galicia, contou coa colaboración da Asociación Galicia Destino Golf, a delegación en Galicia da Asociación de Golf Senior e Damas, os campos de golf Club Jarama RACE, Club de Golf de Zuasti, Club de Golf La Barganiza, Campo de Golf de Salamanca, Real Sociedad de Golf de Neguri e Golf Santa Marina, que acolleron as probas clasificatorias. Asimesmo, o Complexo Augas Santas Golf & Spa de Pantón aportou as súas instalacións para a celebración desta fase final.
POSTA EN VALOR DO TURISMO DE GOLF
Na súa intervención, a secretaria xeral para o Turismo, Carmen Pardo, destacou que Turismo de Galicia organiza este evento co obxectivo de “poñer en valor da oferta de turismo de golf en Galicia”. A responsable autonómica explicou que dentro do Plan de Acción de Turismo de Golf de Galicia 2010-2013, unha das súas actuacións pretende “o desenvolvemento dun produto específico para o xogador senior, que constitúe un dos piares do proxecto”.
TERMALISMO, ENOGASTRONOMÍA E CAMPOS DE GOLF PARA CAPTAR AO PÚBLICO SENIOR
Pardo explicou que o Proxecto Senior, dentro do devandito plan, busca a “creación dun produto destinado ao xogador de golf senior, concibido mediante a combinación de tres atributos específicos integrados nas fortalezas da oferta turística de Galicia: termalismo, enogastronomía e campos de golf. Os obxectivos deste produto son, según explicou Pardo, “posicionar Galicia como destino ideal para o xogador de golf senior, atraer aos xogadores nacionais senior para que visiten Galicia ofrecéndolles unha alternativa turística diferenciada e altamente valorada, e facilitar a presentación da oferta de campos e de servizos turísticos mediante un produto estratexicamente diferenciado. Asimesmo, Pardo destacou que “o colectivo senior establécese como o target de cliente preferencial na oferta de golf de Galicia, polo que este produto debe cobrar máxima relevancia na súa difusión”.
Cargando ...
