Xunta e concellos traballarán xuntos na loita contra a violencia de xénero

A Secretaría Xeral de Igualdade firmou un convenio coa FEGAMP neste eido

A secretaria xeral da Igualdade, Susana López Abella, e o presidente da Federacion Galega de Municipios e Provincias (FEGAMP), José Manuel Rey Varela. GPCT.

A Secretaría Xeral de Igualdade e a Federación Galega de Municipios e Provincias (FEGAMP) firmaron un convenio de colaboración co fin de aunar recursos e estratexias contra a violencia de xénero. Según explicaron Susana López Abella, secretaria xeral de Igualdade, e José Manuel Rey Varela, presidenta da FEGAMP, este acordo supón a creación dunha “rede de entidades locais contra a violencia de xénero que se configurará como unha plataforma que favoreza o rexeitamento social, unha maior sensibilización e, consecuentemente, un compromiso real contra esta lacra, asociado a modelos de convivencia alternativos e igualitarios”. A configuración desta rede será “progresiva, á medida que as entidades locais se vaian adherindo como resultado do proceso de información que a FEGAMP vai iniciar con este propósito”.

PRIMEIRAS MEDIDAS

A colaboración asinada preve, asemade, a creación dun espazo virtual de intercambio de información, experiencias e boas prácticas entre Igualdade e todas as entidades integrantes da rede, que suporá un punto de encontro para compartir proxectos e iniciativas. Nun primeiro momento, dende a Xunta ofrecerase á rede de entidades locais catro iniciativas para desenvolver ata decembro deste ano, que consistirán nun curso de autoprotección para vítimas, terapia ocupacional con artes plásticas para menores expostos á violencia de xénero, un espectáculo músico-pedagóxico e unha exposición gráfica sobre violencia de xénero e mocidade.

Deixa unha resposta

Your email address will not be published.

Nova Anterior

Traballo investiu preto de 12.000 euros en cursos de formación para autónomos lucenses

Seguinte Nova

Os xubilados de Renfe recibiron unha homenaxe en Monforte

Últimas noticias sobre INICIATIVAS

A %d blogueros les gusta esto: