• A Casa da Cultura de Sarria acolleu a comezos de outubro unha xornada técnica sobre a xestión dos montes veciñais en man común e as axudas das que se poden beneficiar para o seu mellor aproveitamento.
PROFESIONAIS VINCULADOS Á INVESTIGACIÓN E AO MUNDO DA EMPRESA FORESTAL
Esta xornada, organizada polo Grupo de Desenvolvemento Rural Os Sete Castros, congregou a enxeñeiros agrónomos e forestais vinculados ao mundo da universidade e da empresa, que falaron sobre os diversos aspectos legais e administrativos que afectan á xestión dos montes veciñais en man común.
A xornada permitiu afondar na solución aos problemas legais e sociais que se presentan na xestión desta singular fórmula de propiedade do monte galego. Asimesmo, analizáronse as axudas ás que estas entidades poden acudir dentro do programa europeo Leader.
Sobre o aproveitamento forestal, os especialistas incidiron nas pautas para un aproveitamento sostible dos montes, e analizouse o caso prático do aproveitamento do monte veciñal en man común para biomasa no Incio, ponencia a cargo de Adalberto Álvarez, enxeñeiro agrónomo e conselleiro de Calfensa.
Cargando ...
