A Real Federación Española de Fútbol confirmou a Monforte de Lemos como sede do Campionato Nacional de Seleccións Autonómicas sub-18 e sub-16 do Grupo F. As seleccións galegas enfrontaranse ás de Aragón e Castilla-La Mancha.
CALENDARIO
Os partidos comezarán o 28 de decembro coa disputa do Aragón-Galicia na categoría sub-16 ás 10,15 horas no Campo Luis Bodegas, para continuar ás 12,15 co Aragón-Galicia da sub-18, na Pinguela. Pola súa parte, Aragón-Castilla La Mancha na sub- 16 xogarán no Luis Bodegas o día 29 ás 10,15 horas, e ás 12,15 enfrontaranse as seleccións sub-18 de Aragón e Castilla-La Mancha na Pinguela. O día 30, os partidos de remate serán o Galicia-Castilla La Mancha sub-16, ás 10,15 no Luis Bodegas, e ás 12,15 o Galicia-Castilla La Mancha sub-18 na Pinguela.
