Desde o 19 de novembro e ata o 4 de decembro desenvolverase unha actividade sobre Creación Multimedia e Web 2.0 na Aula da rede CeMIT do Concello de Quiroga. O curso impartirase en horario de mañá, de 10,00 a 14,00 horas.
CONTIDOS E DURACIÓN DO CURSO
Esta actividade gratuíta de 40 horas ten por obxecto facer un percorrido polos procedementos básicos de creación de contidos adaptados á web, o proceso de obtención, edición e optimización, e finalmente, publicación en servizos web 2.0, con textos, imaxes, audio ou vídeo.
SISTEMA DE VIDEOCONFERENCIA
O curso desenvólvese na Aula CeMIT de Quiroga, situada na Casa da Cultura, así como noutras 35 aulas en diferentes puntos de Galicia, entre elas a de Sarria, mediante o sistema de videoconferencia, que permiten a comunicación entre todos os participantes en tempo real a través de imaxe, chat, compartición e control de aplicacións remotas.
PLAN DE DINAMIZACIÓN
Según informaron os organizadores, esta actividade desenvólvese no marco do Plan de Dinamización 2012, no que a Rede CeMIT levou a cabo distintas actividades relacionadas co sector multimedia e audiovisual, como o curso sobre streaming de audioe vídeo, posicionamento web, televisión en internet ou producción audiovisual, entre outros. O Programa de Formación da Rede CeMIT está cofinanciado polos Fondos Europeos de Desenvolvemento Rexional (FEDER)
INCLUSIÓN TECNOLÓXICA PARA TODA A POBOACIÓN
A Rede CeMIT (Rede de Centros para a Modernización e a Inclusión Tecnolóxica), integrada por 98 aulas de 92 concellos, busca promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.
