Sober avalía o I Plan de Igualdade Municipal

Vixente entre 2008 e 2011, na actualidade o I Plan Municipal de Igualdade de Oportunidades entre mulleres e homes está sendo avaliado polo Concello de Sober coa colaboración da empresa OBZ Consulting, e co financiamento do Fondo Social Europeo e a Xunta de Galicia a través da Secretaría Xeral de Igualdade. O texto do informe final insistirá na necesidade de equiparar as funcións que mulleres e homes desenvolven diariamente. O Plan de Igualdade pretendeu recoller as inquedanzas da poboación local para planificar actuacións transversais en igualdade, estendéndose aos eidos educativo, laboral, sanitario, etc. As áreas de traballo do Plan foron a concienciación, sensibilización e política; área social; área de educación, cultura, deporte e ocio; área de formación e emprego, a área de participación e asociacionismo; a área de saúde e benestar e a área de prevención e eliminación da violencia de xénero.