Carballedo acolleu un dos últimos pases do filme “Vilamor”, dentro do programa Redecinema

Esta iniciativa, promovida dende a Consellería de Cultura, Educación e Ordenación Universitaria, levou o filme “Vilamor”, de produción galega e en galego a un total de 42 localidades de Galicia, coa colaboración das Deputacións de A Coruña, Pontevedra e Lugo. O programa “Redecinema” xurdiu, a iniciativa da Área Técnica da Rede de Dinamización Lingüística, no marco da planificación anual de actividades para 2012, como un programa de cinema exclusivamente de verán, que a Secretaría Xeral de Política Lingüística ampliou ata finais de novembro debido ao interese e á gran demanda por parte dos concellos.