O pemento de Mougán, en Guntín, máis preto da categoría de Indicación Xeográfica Protexida (IXP)

O Diario Oficial de Galicia publicou o 21 de novembro a solicitude de inscrición no rexistro comunitario da Unión Europea da indicación xeográfica protexida Pemento de Mougán. Según explicaron os responsables de Medio Rural, o ámbito xeográfico da IXP Pemento de Mougán comprende a totalidade do territorio do concello lugués de Guntín. O nome da denominación “Mougán” é o do topónimo desta parroquia, dende onde partían no transporte público os pementos destinados ao mercado da capital. As características deste produto veñen recollidas no propio Diario Oficial de Galicia. A inscrición do produto como indicación xeográfica protexida baséase tanto nas súas características específicas ligadas ao territorio como pola súa reputación, fundamentalmente recoñecida no ámbito da Comunidade.