A Xunta de Galicia ven de anunciar o balance de actuacións no eido da silvicultura para a prevención de lumes na pasada lexislatura. Así, dende a Consellería de Medio Rural e do Mar realizáronse de media nos últimos catro anos tarefas de silvicultura e prevención de incendios nun total de 59.533 hectáreas por ano. En materia de prevención de incendios forestais, o presidente Alberto Núñez Feijóo explicou que a Xunta de Galicia está a facer “máis con menos”, xa que en 2012 se aumentaron as accións de control da biomasa e do combustible forestal ata as 33.500 hectáreas, fronte ás 27.000 hectáreas do ano 2008, mellorando a xestión e utilización dos recursos dipoñibles.
AS ACTUACIÓNS PREVENTIVAS NO ÚLTIMO ANO DOBRAN AS DESENVOLVIDAS EN 2008
Según suliñou o mandatario autonómico, esta mellora na xestión permitiu “manter e mesmo aumentar o esforzo noutro tipo de accións preventivas” como o caso da apertura e mellora de pistas, construción e mellora de puntos de auga e vixilancia e adecuación de bases áreas. Neste sentido, neste ano desenvolvéronse 16 liñas de actuación, o que supón o dobre das que se melloraron en 2008.
ACTUACIÓNS DESTINADAS A PARTICULARES
Núñez Feijóo explicou que en relación á xestión dos fondos destinados a particulares en materia de silvicultura e prevención de incendios, se está a actuar “con menos cartos en máis superficie e con máis beneficiados”. Así, como exemplo, no ano 2009 cun orzamento executado de 2,7 millóns de euros rexistráronse 300 beneficiarios e se actuou en 5.295 hectáreas, mentres que no 2011 con 2,4 millóns de euros se rexistrou un total de 322 beneficiarios, entre particulares e montes en man común con actuacións en 6.688 hectáreas.
