Láncara exaltou a memoria das loitas agrarias

O lugar elixido pola Federación Rural Galega (FRUGA) foi a parroquia de Trasliste, emblemática pola súa resistencia na loita contra a cota empresarial

A Federación Rural Galega-FRUGA, celebrou na parroquia de Trasliste, Láncara unha xornada reivindicativa dos movementos agrarios galegos máis importantes desde a Transición ata os nosos días. A xornada iniciouse cunha ofrenda no monolito que rinde homenaxe á firmeza do Sr. Xulián nos intentos de embargo que sufriu na loita contra a cota empresarial.

Un momento da ofrenda diante do monolito en memoria do Sr. Xulián, na parroquia de Trasliste. F.Cedida.

CONFERENCIA NA ANTIGA ESCOLA DE TRASLISTE

Trala ofrenda floral, tivo lugar a intervención do historiador e teólogo Francisco Carballo, que ofreceu unha conferencia sobre a historia das loitas agrarias en Galicia. Esta conferencia desenvolveuse na antiga escola de Trasliste. Durante a súa intervención, Carballo resaltou a importancia que ten na sociedade actual o pasado reivindicativo do campesiñado galego.

DEBATE SOBRE O PRESENTE E FUTURO DA LOITA AGRARIA EN GALICIA

Tras o tempo destinado ao xantar na casa de turismo rural Casa Grande de Láncara, tivo lugar unha mesa redonda onde se debatiu sobre o presente e o futuro das loitas agrarias galegas. Neste evento interviu como moderadora Maite Ferreiro, e contou coa participación do propio Francisco Carballo, Xurxo Álvarez, presidente de FRUGA, Emilio López, Fiz Castro e Esther López.

Deixa unha resposta

Your email address will not be published.

Nova Anterior

Máis de 5 millóns de euros na pasada lexislatura para obras rurais

Seguinte Nova

95 millóns de euros para pagar varias axudas do PAC

Últimas noticias sobre ASOCIACIONISMO

     
A %d blogueros les gusta esto: