Con este lema, dende o departamento de Relixión e a Biblioteca do IES Xograr Afonso de Sarria deseñaron unha iniciativa para recoller alimentos con destino a Cáritas Sarria. Dende a organización desta actividade animaron ao alumnado e ao equipo docente a traer alimentos non perecedeiros, aportación que debería ir acompañada por un breve comentario sobre o libro que máis gustara a cada un dos participantes. Os comentarios rexistrados servirían para elaborar unha relación de posibles suxerencias de libros a regalar nestas festas.
