Pantón celebra o Nadal

CONCURSOS DE POSTAIS E BELÉNS EN PANTÓN

A punto de coñecerse os resultados dos concursos de postais e beléns procedentes de parroquias, asociacións e familias, dende o Concello de Pantón anunciaron unha programación chea de eventos para manter a actividades nestes días de festa.

OBRADOIRO DE NADAL

Nesta actividades, poderán participar todos os nenos e nenas do concello con idades entre os 3 e os 12 anos. O obradoiro desenvolverase no Edificio Multiusos os días 26, 27 e 28 de decembro, e 2, 3 e 4 de xaneiro, en horario de 11 a 13,30 horas.

Os nenos e nenas de Pantón participaron activamente nos preparativos do Nadal en Pantón. F.Cedida

VISITAS DAS SÚAS MAXESTADES OS REIS MAGOS

Ao longo da xornada do 4 de xaneiro, as súas Maxestades os Reis Magos visitarán o Centro de Día, a gardería infantil, os veciños de Ferreira e algunha parroquia máis do termo municipal de Pantón.

FESTIVAL DE REIS

O día 5 de xaneiro desenvolveranse dende as 17 horas diversos obradoiros infantís, con xogos, globoflexia e tatuaxes, entre outras actividades. Ás 19 horas está prevista a chegada dos Reis Magos de Oriente ao salón de actos do Edificio Sociocultural, onde serán recibidos pola Banda de Gaitas O Castro. As Súas Maxestades recibirán en audiencia aos máis cativos, e faranlle entrega de diversos agasallos.

Deixa unha resposta

Your email address will not be published.

Nova Anterior

O mundo do teatro premia ao Proxecto Buxiganga

Seguinte Nova

O románico tira de Pantón

Últimas noticias sobre CULTURA

A %d blogueros les gusta esto: