Raquel Arias repite como delegada da Xunta en Lugo

A soberina Raquel Arias Rodríguez xura o seu cargo en presencia do Vicepresidente e Conselleiro de Presidencia, Alfonso Rueda, e os demais delegados territoriais. GPXG.

O pasado 14 de decembro, Raquel Arias Rodríguez tomou posesión como Delegada Territorial da Xunta en Lugo, nun acto presidido polo vicepresidente e conselleiro de Presidencia, Alfonso Rueda, quen destacou «o bo funcionamento» das cinco delegacións territoriais do Goberno galego «que, catro anos despois da súa posta en marcha, teñen consolidado o seu modelo de prestación de servizos aos cidadáns», e permitido reducir os custes en máis de 20 millóns de euros. Este aforro debeuse, explicou Rueda, á redución de delegados, que pasaron de 52 provinciais aos actuais 5 delegados territoriais, así como á reordenación do parque móbil, a racionalización en alugueiros e a redución no apartado de axudas de custo e gastos de representación. Según indicou o vicepresidente e conselleiro de Presidencia, «todos estes elementos de racionalidade e eficacia teñen redundado en beneficios», como que se teñan axilizado os tempos medios de tramitación de expedientes.

Deixa unha resposta

Your email address will not be published.

Nova Anterior

Dotación do comedor do CEIP Xoán de Requeixo en Chantada

Seguinte Nova

Aprobado o orzamento de case 5 millóns para o Consorcio de Bombeiros

Últimas noticias sobre POLÍTICA LOCAL

A %d blogueros les gusta esto: