Desenvolvidos ao longo do ano, garanten as mellores condicións dos viais en caso de emerxencia
•Limpeza de ramas e desprendementos por mor do vento e a choiva son as incidencias máis frecuentes desta época •A mellora das condicións do firme segue en marcha todo o ano
As zonas 7 e 8 da Rede de Estradas provinciais, que integran os concellos do sur de Lugo, están a ser revisadas e mellorada ao longo de todo o ano.
PLAN INVERNAL E PLAN DE CONSERVACIÓN DAS ESTRADAS PROVINCIAIS
Nos meses de inverno, o operativo especial atende as incidencias derivadas da neve e o xeo, aínda que os equipos de mantemento seguen a traballar en tarefas como a limpeza de ramas ou desprendementos na calzada por mor da acción do vento e da choiva, os traballos máis frecuentes nestas datas. Asimesmo, continúa a detección de incidencias para a mellora das condicións do firme, como o rebacheo, e a reposición de sinais ou biondas.
TODO TIPO DE MELLORAS AO LONGO DE TODO O ANO
Os traballos de mantemento da Rede Viaria provincial desenvolvidos ao longo do ano, así como a posta en marcha do Plan Invernal, están coordinados dende o Servizo de Vías e Obras da Deputación de Lugo. Estes traballos incluíron a execución de aceiras, a reparación de blandóns e bacheos, a aplicación de zahorra e rego asfáltico nos puntos máis deteriorados, e un plan de tarefas de desbroce nas beiras para garantir as mellores condicións e, polo tanto, a nosa seguridade vial ao longo desta rede de estradas.
- Reparación de blandón. F.Cedida.
- Os traballos de mellora dos viais da Rede Provincial de Estradas inclúen actuacións de envergadura, como a reparación do firme con zahorra . F.Cedida.
- Outra das actuacións máis importantes na mellora da rede provincial é o acondicionamento con aglomerado. F.Cedida
- Aplicación de rego asfáltico para a mellora dos viais provinciais. F.Cedida
- As actuacións do plan de conservación e mantemento das estradas provinciais inclúen a execución de beirarrúas, para facilitar a mobilidade de peóns nos núcleos urbáns. F.Cedida
- Eliminación da vexetación que afoga as beiras dos viais. F.Cedida
