Abrirá 11 meses ao ano, como ata agora, e o ERE non afectará á plantilla monfortina
O Alcalde de Monforte amosou a súa satisfacción porque se logrou “o que é de xustiza”, e o sindicato UGT-Lemos agradeceu a partidos políticos, traballadores e sindicatos “por loitar xuntos na defensa do Parador”
O Parador de Monforte salvouse de esmorecer como referente turístico da Ribeira Sacra logo de que a empresa pública Paradores de España dera marcha atrás nas medidas anunciadas a finais de novembro, e que supoñían o peche deste establecemento durante cinco meses, e a conseguinte reducción de plantilla. De momento, Paradores de España manterá aberto o establecemento monfortino once meses ao ano, según se viña facendo nos últimos anos, e a plantilla non se verá afectada polo Expediente de Regulación de Emprego que se está a deseñar para toda a rede de Paradores.
SEVERINO RODRÍGUEZ: “A UNIÓN DA CIDADANÍA E DOS SEUS REPRESENTANTES FOI FUNDAMENTAL”
Unha vez que trascendeu o cambio de posicións en Paradores de España, o alcalde de Monforte, Severino Rodríguez, amosou a súa satisfacción por esta resolución, e considerou que “se logrou o obxectivo de Monforte, que non era outro que manter o mesmo nivel de servizo no Parador de Turismo, e que a unión da cidadanía e dos seus representantes foi fundamental para conseguir o que é de xustiza”.
“DEFENSA DA CIDADE E DOS SEUS INTERESES LEXÍSTIMOS”
O Alcalde de Monforte agradeceu a implicación e o compromiso de todos na “decidida defensa do Parador de San Vicente do Pino”, e felicitouse polo “triunfo da cidade e da cidadanía en defensa dos seus lexítimos intereses”.
O PARADOR DE MONFORTE, “REFERENCIA TURÍSTICA PARA A RIBEIRA SACRA”
Unha vez rematadas as negociacións entre a empresa e os traballadores, o Parador de San Vicente do Pino continuará sendo “un establecemento hoteleiro de referencia no sur de Lugo e eixo fundamental na promoción turística e na difusión da Ribeira Sacra”, precisou o rexedor local.
NON BAIXAR A GARDA
Malia a resolución favorable deste conflicto, Severino Rodríguez suliñou que “hai que continuar en alerta ante calquera nova decisión que poida afectar negativamente a un establecemento hoteleiro de referencia na provincia de Lugo”.
“SATISFACCIÓN” SINDICAL PORQUE ESTA RESOLUCIÓN SEXA FAVORABLE A MONFORTE
Pola súa parte, dende o sindicato UGT-Lemos precisaron que “esperamos que esta resolución se cumpla, e que a plantilla se manteña e o Parador funcione 11 meses ao ano”. Con esta situación, a plantilla do Parador monfortino disfrutará do seu periodo vacacional ata o 16 de febreiro, cando se incorporarán de novo aos seus postos de traballo. O secretario xeral da formación, Mario Docasar, agradeceu asimesmo “aos partidos políticos, traballadores e sindicatos por loitar xuntos para que o Expediente de Regulación de Emprego non afectara á plantilla do Parador de Monforte, e salvar así ao Parador”, ao que calificou de “referente fundamental para a Ribeira Sacra e a súa promoción turística”.
