As sesións celébranse os sábados a partir das 12 horas no Ximnasio Neka
Exotismo e novidade son as primeiras referencias que suxire a Danza Oriental, disciplina que está a enganchar en Monforte a través das clases que o Ximnasio Neka está a desenvolver os sábados ás 12 horas.
GRAN TIRÓN DESTA ACTIVIDADE
«Esta actividade está a funcionar moi ben», sinala José Mª Vega, xerente deste complexo deportivo situado en Monforte, «e temos un grupo bastante grande que ten moito interés, e as clases son impartidas por dúas monitoras procedentes de Ourense».
BENEFICIOS DA DANZA ORIENTAL
A danza oriental, popularmente coñecida como «danza do ventre», aínda que abrangue diversas disciplinas e variantes, ofrece ás persoas que a practican non só un momento de lecer e expansión vinculado á música e ao baile, senón tamén a posibilidade de coñecer mellor o seu corpo, mellorar a súa linguaxe corporal e o seu benestar físico, a través da respiración e do control de cada un dos movementos. Dende o Ximnasio Neka, informaron de que todas as persoas interesadas en participar nas sesión de Danza Oriental poden informarse directamente no centro (Rúa San Pedro 73, en Monforte), ou chamando ao 982 40 50 57.
