A Xunta amosa a súa colaboración para levar adiante o PXOM de Sober

•Este compromiso trasladouse durante a reunión que o alcalde, Luis Fernández Guitián, mantivo en Santiago coa secretaria xeral de Ordenación do Territorio

O alcalde de Sober, Luis Fernández Guitián, reuniuse en Santiago coa secretaria xeral de Ordenación do Territorio, Encarnación Rivas Díaz. Foto: Ana Varela.

O pasado 16 de xaneiro, o alcalde de Sober, Luis Fernández Guitián, reuniuse en Santiago coa secretaria xeral de Ordenación do Territorio, Encarnación Rivas Díaz, quen lle trasladou a colaboración do seu departamento para que Sober poida acadar a aprobación definitiva ao seu Plan Xeral de Ordenación Municipal (PXOM).

INFORME FAVORABLE

A representante da Consellería de Medio Ambiente, Territorio e Infraestruturas sinalou na xuntanza que esta aprobación está hoxe «máis preto», xa que os técnicos de Urbanismo acaban de informar, despois de analizar a documentación presentada en decembro de 2012, que a parte pendente de aprobación definitiva do plan xeral conta con informe favorable e que está recollido nos termos que marca a Lei do Solo. En febreiro de 2010 a Secretaría Xeral de Ordenación do Territorio resolveu non aprobar a proposta chegada no documento respecto ao solo urbanizable proposto, así como ao solo rústico suxeito a algún tipo de protección, en especial ao solo rústico de espazos naturais en parte do espazo natural 1 (Cañón do Sil), según as normas complementarias e subsidiarias de planeamento da provincia de Lugo.

COLABORACIÓN PARA O DESENVOLVEMENTO DO PXOM DE SOBER

A secretaria de Urbanismo reiteroulle a colaboración da sección de Urbanismo da Xunta para superar este paso fundamental no menor prazo e sumarse deste xeito ao grupo dos 65 concellos que na actualidade contan con plan de ordenación aprobado. Ademais da colaboración técnica, dende a Consellería de Medio Ambiente lembraron que a Xunta tamén apoia o desenvolvemento do proxecto urbanístico de Sober cunha axuda económica de máis de 80.000 euros.•

SOBER XA APROBOU OS ORZAMENTOS 2013

• O Concello de Sober aprobou os Orzamentos para 2013, que o rexedor local cualificou de «absolutamente realistas», xa que non inclúen axudas ou subvención supramunicipais que non estean «absolutamente seguras», nin tampouco ingresos-gastos de posible persoal que poida ser subvencionado ao 100%. Guitián destacou asimesmo que nestes Orzamentos “se fai un esforzo moi significativo” no gasto social e para as persoas.

GASTOS

En cantos ós gastos, prodúcese unha baixa significativa na partida destinada ao persoal, pasando de ser o 56,46% do Orzamento en 2012 ao 47,52% nos presupostos de 2013. Os gastos en persoal inclúen a axuda a domicilio, o Punto de Atención á Infancia, e a Escola Municipal de Música. Tamén se inclúen as axudas ao transporte universitario, a achega para a teleasistencia, e os gastos de mantemento e limpeza de espazos públicos como o colexio, o centro médico, o centro sociocultural ou o ximnasio municipal, entre outros.

MÁIS INVESTIMENTOS

En canto aos investimentos reais, consígnase un incremento dende o ano pasao, dende os 132.000 euros aos 179.000 euros. Fernández Guitián explicou que esta cantidade se destinará ás achegas municipais ás obras previstas a executar con cargo ao AGADER, que aporta o 85% delas. Estas actuacións, nas que o Concello achega o 15% máis o IVE, consisten na instalación de placas solares nos Chancís, as prazas de esparexemento en Arxemil, Sixtín do Mato e Cima de Vila-Brosmos, e o campo da festa e xardín en Viloudriz. Tamén figura como investimento a achega municipal ao POS, e o o mantemento de estradas locais. O alcalde de Sober anunciou tamén a posta en marcha dun plan xeral de rexeneración daqueles camiños que se atopan en peor estado.

INGRESOS

As transferencias do Estado e da Comunidade Autónoma mantéñense nos termos do ano pasado, que supoñen algo máis do 50% dos ingresos, e consígnanse 366.000 euros en impostos directos. Prevese un incremento das taxas e prezos por recollida de lixo, auga e alcantarillado.

Deixa unha resposta

Your email address will not be published.

Nova Anterior

O PSdeG-PSOE pon en marcha a “oficina parlamentaria itinerante”polas comarcas de Lugo

Seguinte Nova

Axente forestal a disposición da veciñanza de Sober

Últimas noticias sobre ECONOMÍA

     
A %d blogueros les gusta esto: