Artesanía lucense busca mercados en París

O obradoiro de Idoia Cuesta, Cestería Contemporánea, de Outeiro de Rei, participou en xaneiro na Feira Maison & Objet de París, unha das feiras profesionais máis importantes de Europa. A presencia deste obradoiro lucense foi posible grazas ao apoio que a Consellería de Economía e Industria, a través da Fundación Centro Galego da Artesanía e do Deseño, ven prestando aos artesáns galegos para a súa promoción comercial en mercados internacionais. Este apoio institucional realízase a través da introdución da marca Artesanía de Galicia como imaxe única dun sector de grande riqueza e heteroxeneidade, e axudando á presenza dos obradoiros nesta feira, poñendo á súa disposición un profesional para as tarefas comerciais que prestará tamén servizos de tradución.