Quiroga invita a festexar o Entroido no seu Desfile de Comparsas

Os responsables da organización das festas de Entroido en Quiroga estableceron as bases para a celebración do Concurso Desfile de Comparsas, que terá lugar o domingo 10 de febreiro, e da Festa Infantil de Disfraces o luns día 11, a partir das cinco da tarde.

PREMIOS EN METÁLICO PARA COMPARSAS GAÑADORAS E PARTICIPANTES

A participación no concurso de comparsas está aberta a cantos grupos desexen participar, tanto do Concello de Quiroga como procedentes doutros concellos, sempre e cando estean integradas por un mínimo de dez membros. Establécense un primeiro premio de 500 euros, un segundo premio de 300 euros, e un terceiro de 150 euros. Ademáis dos premios aos gañadores, cada comparsa participante recibirá 60 euros. Ademais das comparsas, poden participar no Concurso disfraces individuais, e nesta modalidade o máximo serán tres membros por disfrace. Esta categoría establece un único premio de 60 euros. O Xurado estará integrado por un membro de cada comparsa participante, que despois de asistir ó desfile valorará a cada comparsa menos á que representa.Especialmente, terase en conta para a puntuación a orixinalidade dos disfraces, a coreografía e a escenografía.

INSCRIPCIÓN E ITINERARIO

O desfile partirá da Rúa das Piscinas ás 17 horas, pola Rúa Real ata a Casa da Cultura. A entrega de premios terá lugar diante do Concello, durante o baile de disfraces amenizado polo Dúo Fondo Tropical. As inscricións deberán formalizarse na Casa da Cultura ata o día 6 de febreiro, ou ben chamando ao teléfono 982 435 125.

Deixa unha resposta

Your email address will not be published.

Nova Anterior

Premios do Concurso de Postais de Nadal da Biblioteca Municipal de Quiroga

Seguinte Nova

Quiroga pon en marcha o calendario gastronómico

Últimas noticias sobre CULTURA

     
A %d blogueros les gusta esto: