A praza do pobo, agora en internet

•En dous meses comezarán os traballos de instalación de dous puntos wifi na praza consistorial e outro no propio concello • Este proxecto da Deputación de Lugo está financiado nun 80% con fondos europeos • Permitirá acceder de xeito gratuíto a redes sociais, páxinas institucionais e mensaxería • A cidadanía valora esta iniciativa para usos de comunicación entre a xuventude, tramitacións vinculadas á actividade laboral e información turística local por parte dos visitantes

As prazas consistoriais serán un espazo wifi gratuíto para acceder á rede dende calquer dispositivo móbil. EC.

As prazas consistoriais serán aínda máis un espazo para a reunión e a comunicación grazas á iniciativa que dende Europa, e a través do plan provincial Innova-TE da Deputación de Lugo, se está a poñer en marcha nos 49 concellos lucenses adheridos a este plan. A veciñanza disporá de acceso wifi gratuíto na praza consistorial de cada municipio, que no sur de Lugo serán Carballedo, Chantada, O Incio, Láncara, Monforte, Paradela, O Páramo, A Pobra do Brollón, Quiroga, Ribas do Sil, Samos, Sarria, Sober e Taboada.

OBXECTIVOS E CARACTERÍSTICAS

Aproximar as vantaxes das novas tecnoloxías a toda a veciñanza, e combater a tan coñecida «fenda dixital» que separa ás cidades do interior das grandes capitais galegas son os principais obxectivos deste plan, que a Deputación de Lugo porá en marcha nos vindeiros meses, financiado nun 80% con fondos europeos. Según os responsables provinciais, os traballos para implantar este sistema comezarán en dous meses, e consistirán na instalación de dous puntos wifi en cada praza consistorial, e outro máis no interior do propio edificio do concello. A velocidade de navegación nestes puntos será de 256 Kas por segundo, a máxima legal permitida ás administracións públicas. Con este sistema, os usuarios e usuarias de calquer dispositivo móbil poderán acceder gratis e con rapidez a espazos web, como páxinas institucionais, redes sociais ou mensaxería.

A VECIÑANZA OPINA

A expectativa que xera este novo servizo entre a cidadanía fala da aceptación do papel das novas tecnoloxías na nosa vida cotiá. Aínda que o acceso a internet está moi xeralizado, «aínda hai xente que non ten este servizo na casa», explica Noelia Pereira, de Chantada, «e así non tes que ir a un bar para conectarte». As novas xeracións parecen ser os máis interesados nesta iniciativa, según apunta Mª Luisa de la Fuente, de Monforte, quen precisa a necesidade de «dalo a coñecer ben, porque os novos valorarían moito este servizo». Pero máis aló do uso das redes sociais por parte da xuventude, a posibilidade de acceder a internet gratis e en condicións dende a rúa abre outras posibilidades, non menos interesantes; para Laura González, de Chantada, «os adultos tamén lle poden ver uso, sobre todo por temas de traballo». Iria Rodríguez, de Sarria, apunta a utilidade «para os turistas, que acudirán máis a esta zona, coas vantaxes para a hostelería, e poderán acceder a toda a información sobre Sarria».

O PULSO DA RÚA

Iria Rodríguez Rivas e Paula Álvarez García (Sarria): “Está moi ben, pode favorecer á hostelería ao atraer visitantes á zona da praza. Os turistas poderán acceder a toda a información sobre Sarria con facilidade” . EC.


Mª Luisa de la Fuente (Monforte de Lemos): “Penso que pode ser útil, sobre todo para a xente xoven. Se se dá a coñecer ben, a xente nova valoraría moito este servizo”. EC.

Laura González Ledo, Noelia Pereira Areán e Diego Rodríguez Tumbeiro (Chantada): “É boa idea, aínda hai xente ser internet na casa. A xente coma nós sería a máis interesada, pero tamén os adultos para xestións de traballo, e tamén os turistas para información local”. EC.

 

Deixa unha resposta

Your email address will not be published.

Nova Anterior

O Club Natación Monforte trae á casa 10 medallas no Campionato Galego de Inverno

Seguinte Nova

Ribas do Sil cadra con éxito as contas cos servizos e co medioambiente

Últimas noticias sobre CULTURA

     
A %d blogueros les gusta esto: