“Artesáns de honra da provincia de Lugo” para os oleiros de Gundivós Agapito González, Obdulia Rodríguez e Daniel Rodríguez, e para o oleiro de Samos Carlos Iglesias

Os artesáns lucenses recibiron esta distinción de mans do presidente da Deputación de Lugo, José Ramón Gómez Besteiro, na inauguración da mostra “Pasado e presente da olería en Lugo”. O acto tamén recoñeceu a labor de continuidade dunha nova xeración de oleiros, que na actualidade “están traballando para recuperar e dignificar este oficio case desaparecido”, como no caso dos artesáns Elías González Prieto e Tomás López González, ambos de Gundivós. A mostra “Pasado e presente da olería en Lugo” estará aberta ao público ata o 3 de marzo na Capela de Santa María (Lugo), en horario de mañá e tarde de luns a venres, os sábado pola tarde e os domingos pola mañá.