José Mª Vega, do Gimnasio Neka, incorpórase ao corpo técnico da Selección galega de Taekwondo

Será un dos 3 técnicos permanentes da élite galega do Taekwondo

Asimesmo, o Gimnasio Neka participará cunha ducia de taekwondistas no Campionato promesas o día 23

Un momento da participación nunha proba recente en Boiro
dos taekwondistas do Gimnasio Neka, de Monforte. Foto cedida.

O Gimnasio Neka segue a colleitar recoñecementos ao seu traballo constante. A primeiros deste mes, José Mª Vega, entrenador de taekwondo e alma mater de Neka, recibía a chamada da Selección Galega para incorporarse de xeito permanente ao corpo técnico como adestrador. «É algo importante», comenta Vega, «eu xa tiña participado con eles, pero a partir de agora será de xeito permanente». Vega formará parte da tríada de adestradores da Selección galega de taekwondo, xunto cos vigueses Meilán e Penín. «Agora terei que viaxar máis, ata a sede de Pontevedra», precisa Vega. Un novo reto que de seguro acometerá con gran éxito.

CAMPIONATO PROMESAS

Con esta mesma filosofía de traballo afrontan en Neka o próximo Campionato promesas na modalidade de combate, que se celebrará en Cangas o día 23, onde o clube monfortino participará con preto dunha ducia de rapaces e rapazas nas categorías cadete, junior e absoluta. Esta cita supón «unha proba de toque», según explica Vega, para o Campionato Galego que terá lugar o 23 de marzo.

Deixa unha resposta

Your email address will not be published.

Nova Anterior

Aberto o prazo para participar na V Carreira Popular Concello de Monforte do domingo 3 de marzo

Seguinte Nova

O Club Natación Monforte trae á casa 10 medallas no Campionato Galego de Inverno

Últimas noticias sobre ASOCIACIONISMO

     
A %d blogueros les gusta esto: