A Xunta de Galicia ven de crear o couto de pesca Rego de Moreda, delimitado entre a ponte da estrada de Gondulfe a Pedrouzos e a parte da pista forestal que une Ider con Vilar. Este couto de Taboada ten unha lonxitude de 9 quilómetros e nel habitan troitas, polo que se conceden catro permisos diarios para todo o tramo, tendo en conta que cada pescador poderá capturar seis exemplares. A talla mínima de captura é de 19 centímetros. A orde que fai oficial este couto establece que queda vedado o quilómetro final, onde conflúen co couto dos ríos Muíño Vello e Anguieira e na Cabeceira do Moreda, dende o nacemento ata o límite superior do couto. A sociedade de pescadores Santo Tomé de Taboada presentou unha solicitude para a creación deste couto, que foi sometido a información pública e valorado no Comité Galego de Pesca celebrado en outubro de 2012.
Novo couto de pesca en Taboada
Últimas noticias sobre INFRAESTRUTURAS
O presidente, José Tomé Roca, comprobou o avance dos traballos na LU-P-0901 entre os quilómetros 8,3
A Xunta de Goberno da Deputación de Lugo aprobou un novo investimento que supera os 800.000€
O alcalde de Monforte, José Tomé Roca, vén de presentar nunha rolda de prensa o anteproxecto
A Xunta de Galicia anunciou que, nas próximas semanas, iniciarán as obras de restauración do claustro
