O Concello de Monforte priorizará as solicitudes de vendedores locais na vindeira Feira Medieval

O Concello de Monforte de Lemos ven de publicar na súa páxina web as bases de participación na XI Feira Medieval, que se celebrará o sábado 30 de marzo. Nas bases especifícanse aspectos de carácter administrativo, relativos á documentación que deberán presentar os interesados, as datas de publicación de admitidos e as taxas que deberán abonar según o tamaño do stand, nos casos de postos de artesanía, e os importes en concepto de participación e de ocupación de dominio público nos casos de postos de gastronomía. As bases tamén especifican as características e decoración dos postos, así como horarios de apertura e o prezo. A organización da XI Feira Medieval de Monforte anunciou asimesmo que se priorizarán as solicitudes de vendedores da propia localidade.