O Entroido, tamén nos Mercados de Monforte

Na fin de semana do 16 e 17 de febreiro o Mercado adicarase ao chocolate

• SALGADO E DESPOIS DOCE. Esta é a proposta que os Mercados de Monforte están a ofrecer no mes de febreiro. Durante a fin de semana do Entroido, as mellores pezas salgadas de porco para o cocido puxeron o toque máis enxebre dos Mercados, e non faltaron as preciosas verduras para conseguir ese sabor de Entroido tan inconfundible. Logo de tan exquisitos días de festa, unha boa ración do doce máis irresistible para deixar o padal ben balanceado: na fin de semana do 16 ao 17 de febreiro, os Mercados de Monforte terán como protagonista ao chocolate. Todo o relativo ao mundo deste afamado doce poderemos atopalo no Espazo Expositivo da Praza de Abastos de Monforte: dende cacao en polvo ata utensilios para a súa preparación, pasando por libros e manuais de receitas en torno a este produto. Para os que busquen novas experiencias, poderán atopar no Mercado adicado ao chocolate tratamentos de chocolaterapia do Balneario de Augas Santas de Pantón, o chocolate con setas de “Hyfas da Terra”, chupitos de chocolate para o licor, e as delicias de “Diseño del Sabor”. Unha cita inesquecible para rematar como é debido este mes tan gastronómico. (Fotos: EC).

Deixa unha resposta

Your email address will not be published.

Nova Anterior

O branco, o color deste Entroido

Seguinte Nova

Agricultura ecolóxica: unha oportunidade de formación e colocación en alza

Últimas noticias sobre ASOCIACIONISMO

A %d blogueros les gusta esto: