Aprobadas as bases para subvencionar as obras da terceira fase da Área de Rehabilitación Integral (ARI) de Quiroga

Ata o 31 de decembro de 2013 poderán presentarse as solicitudes para optar ás subvencións da 3ª fase do ARI de Quiroga, no ámbito denominado Praza Maior e Pacios de Mondelo. As obras deberán atender a mellora das condicións de habitabilidade relativas á distribución interior, instalacións de auga, electricidade, calefacción, ventilación, iluminación natural e aireación, illamento térmico, servizos hixiénicos e instalacións de cociña ou doutros servizos de carácter xeral. Tamén se subvencionarán actuacións nos elementos comúns das edificacións, e de mellora e conservación dos elementos que demandasen os valores histórico-artístico, arquitectónico ou ambientais. As axudas poden chegar ata o 75 por 100 do orzamento, cun máximo de 11.600 euros por vivenda de media. Para informarse sobre estas axudas, ou para a súa tramitación, os interesados deben dirixirse a Oficina de Rehabilitación (Centro de Formación Ocupacional Pía Páxaro).