•Raquel Arias e o director do Igape manifestaron ós traballadores o apoio da Xunta para o mantemento dos postos de traballo •Os socialistas levarán mocións aos concellos da comarca para que a Xunta se responsabilice do ERE tralo “fracaso” dun hotel que recibiu “axudas millonarias” do Igape •O ERE afectaría a 22 traballadores •UGT-Lemos lembrou que en Traballo xa detectaron “irregularidades” no ERE presentado
A empresa propietaria do Hotel Palacio de Sober ven de presentar na autoridade laboral un ERE que afectaría a un total de 22 traballadores, e que suporía o peche do establecemento durante sete meses e medio (de outubro a maio) nos próximos dous anos. A esta situación hai que sumar os retrasos no cobro das nóminas de 26 traballadores, aos que se lles adeudan dúas mensualidades e media, polo que iniciaron unha serie de mobilizacións para reclamar unha solución. A plantilla ao completo mantivo diversas reunións nos últimos días, tanto con representantes da Administración como de grupos políticos.
POSTURA DA XUNTA
Así, a delegada territorial da Xunta en Lugo, Raquel Arias, amosou durante o seu encontro coa plantilla “a solidaridade e apoio da Xunta para o mantemento dos postos de traballo”, e xestionou o encontro dos empregados co director do Igape, quen lles informou de que está a falar coa empresa para tratar de buscar unha “solución de consenso”.
OS SOCIALISTAS ESIXEN “RESPONSABILIDADES”
A plantilla tamén se reuniu cos responsables socialistas na zona sur, que anunciaron que levarán mocións aos concellos para esixirlle “responsabilidades á Xunta e que garanta os postos de traballo” tralo “fracaso” dun hotel que, según lembraron, foi levantado en terreos que foron propiedade da familia da delegada territorial da Xunta en Lugo, e que a empresa propietaria do establecemento recibiu do Igape “axudas millonarias” a cambio de manter dous anos 34 postos de traballo, “e unha vez superado o prazo de esixencia, agora vense as intencións”. Asimesmo, dende UGT-Lemos esixiron que a Xunta “non deixe irse de rositas” a unha empresa que recibiu 4 millóns de euros de subvención do Igape “enviando ao paro ao 80% da plantilla”. UGT lembrou que a autoridade laboral xa detectou irregularidades no ERE presentado pola empresa, xa que este non pode superar o periodo dun ano, e ademais a empresa non declara pérdidas no último balance. Dende o sindicato critican que a dirección do hotel rechazara dous eventos de máis de 200 persoas, e reclaman o mantemento dos 34 postos de traballo.
Cargando ...
