Día Internacional da Muller: Pola igualdade no traballo, no deporte e na vida

Dende a Concellería de Igualdade de Quiroga, a través do Centro de Información á Muller (CIM), celebraron o 8 de marzo con diversas actividades, como o partido de fútbol mixto entre xogadores do Quiroga Fútbol Club e xogadoras do Fútbol Sala Feminino. A única diferencia do partido foi a cor do peto de cada equipo; ó descanso gañaba o equipo vermello por 2-4, aínda que a 32 segundos do final empataban a 8-8, co que se deu por rematado este encontro, caracterizado polo fair play e o gusto polo deporte. (Fotos EC).

 

 

 

 

 

 

 

 

 

UGT-Lemos celebrou o Día da Muller co tradicional homenaxe que dende hai 23 anos adica a unha muller da comarca, destacada na reivindicación dos dereitos laborais. Nesta ocasión, a homenaxeada foi Patricia González, do comité comarcal, que recibiu unha estatuílla conmemorativa. (Fotos EC).

 

 

 

 

 

 

 

 

 

 

 

 

 

 

 

 

 

A rúa Cardeal de Monforte foi o esceario dalgúns dos actos conmemorativos do Día Internacional da Muller. As árbores apareceron cubertas por coloristas tecidos de calceta e ganchillo, elaborados nun obradoiro mixto; a intención é chamar a atención da cidadanía sobre o cotián, tecendo unha rede de igualdade que faga visible á muller na sociedade. Pola tarde, a cidadanía foi obsequiada con lazos violeta, símbolo da igualdade entre mulleres e homes. Pola súa parte, a concelleira de Igualdade de Monforte, Ana Casal, leu un manifesto co gallo do Día da Muller. A continuación, un grupo de cidadáns e cidadás teceron unha rede de igualdade, ao tempo que leron diversas consignas en prol da igualdade entre mulleres e homes. (Fotos EC).

Deixa unha resposta

Your email address will not be published.

Nova Anterior

Día Internacional da Muller: Educar en igualdade de oportunidades

Seguinte Nova

Día Internacional da Muller: As mulleres emprendedoras amosaron o seu traballo e iniciativa nos Mercados de Monforte

Últimas noticias sobre CULTURA

     
A %d blogueros les gusta esto: