II edición do Concurso «Quiroga de Tapas», do 21 ao 29 de marzo

Nestes días, e en horario de 12 a 14,30 horas e de 19 a 22,30 horas un total de 19 establecementos da hostalería quiroguesa someteranse ao criterio da súa clientela para optar a un premio en metálico de 100 euros e unha placa conmemorativa, que se entregará o vindeiro 3 de abril previa resolución do fallo do xurado, que será o encargado de contabilizar e rexistrar os votos emitidos polo público nas urnas dispostas nos diferentes establecementos.

A relación de locais participantes coas súas tapas a concurso é como sigue: Mesón Escaleira: Pescada en dúas texturas, pil pil de cachelos e bizcoito de tomate; Mesón Ferreiriño: Tostadica de palitos con gulas e salmón; O Recuncho de Dino: Timbal de morro salseado; Bar Chapakuña3: Tosta caseira, bañada en aceite de Quiroga, con lacón trufado e pementos ó forno; Casa Torres: Timbal de bacallao con salsa de queixo e mel da comarca; Restaurante O Roxo Vivo: Saquiño de millo recheo de bacallao con pementos do piquillo; Bar Félix: Solombo soleado con salsa de mel e mostaza, acompañado de chupito de cenoria con redución de Ribeira Sacra; Bar O Cantar Miudiño: Vocán de langostinos con grelos e caviar de pementos; Bar Lago: Rolo de tenreira recheo en salsa con patacas duquesa; Pub Ruxe-Ruxe: Polo ós tres queixos con crocante de xamón; Cafetería Quiroga: Marmitako de atún á vizcaína con aroma de pementos chouriceiros; A Taberna: Xarrete con redución de viño, quenelle de robellón e triscante de San Simón; Bar Quiper: Carrillera de porco celta con mousse de foie, adozada con confitura de figos da terra, salteado con fungos do Caurel ó curri e tella de queixo; Bar Raposo: Ensalada morna de marisco; Bar O Portón: Fabas de Lourenzá con zamburiñas e picatostes; Bar Las Palmeras: Humus feliz; Ciber-café A Pedra: Piquillos recheos de cóctel de gambas con vinagreta de mostaza; Adega da María: Bacallao en salsa con granizado de fresa; Hostal Río Lor: Zurigorri.

Este concurso, organizado polo Concello de Quiroga en colaboración coa Asociación Provincial de Hostelería de Lugo (APEHL), outorgará un diploma acreditativo a todos os establecementos participantes. Os clientes que desexen emitir o seu voto poderán ter en conta como criterios de avaliación das tapas a presentación e innovación, o gusto, sabor, texturas e aromas, e a calidade dos ingredientes.•

Deixa unha resposta

Your email address will not be published.

Nova Anterior

Luz verde para a constitución da Confraría do Viño de Quiroga

Seguinte Nova

Acordo en torno ao conflicto laboral no Palacio de Sober

Últimas noticias sobre ASOCIACIONISMO

     
A %d blogueros les gusta esto: