O grupo de goberno do Concello de Monforte rexistrou unha proposta sobre a reforma da estrutura e organización territorial da Axencia Estatal de Administración Tributaria para ser debatida no vindeiro Pleno Municipal. Esta decisión ven motivada pola publicación no BOE da resolución pola que a Axencia Tributaria só garante á Administración de Monforte un nivel adecuado nos servizos de información e asistencia que se prestan á cidadanía.
NA ADMINISTRACIÓN DE MONFORTE SÓ SE PODERÁN INICIAR OS TRÁMITES
Según explican dende o Goberno municipal, esta resolución pon fin a preto de 28 anos de servizo da Axencia Tributaria en Monforte no referente á prsentación das declaracións de IRPF ou IVE, así como as tramitacións de aprazamentos de pago ou presentación de recursos. A partir de agora, estes trámites poderán iniciarse na oficina de Monforte, pero en moitos casos a revisión ou tramitación final do expediente non poderá facerse na nosa cidade, coa conseguinte necesidade de desprazarse.
“INVITACIÓN AO PECHE DA OFICINA DE MONFORTE”
Dende o grupo municipal do BNG interpretan esta resolución como “unha invitación ao peche da Axencia Tributaria de Monforte, “desmantelando de forma paulatina un servizo público fundamental” e que, segundo reflicte a propia Resolución “non supón incremento de gasto” porque, suliñan dende o Goberno monfortino, “a súa supresión tampouco supón aforro”.
“AFÁN CENTRALIZADOR DO PP PARA AFASTAR OS SERVIZOS PÚBLICOS DA CIDADANÍA”
O grupo municipal do BNG denuncia “o afán centralizador do Partido Popular, coas súas ansias de afastar os servizos públicos da cidadanía, coa escusa da austeridade”, e reclama o mantemento dos mesmos servizos e postos de traballo na Administación da Axencia Tributaria en Monforte.
