Medio Rural amplía ata o 15 de maio o periodo de cortas polo nematodo do piñeiro

A Consellería do Medio Rural e do Mar amplía o período de cortas para as especies sensibles ao nematodo do piñeiro (Bursaphelenchus xylophilus) ata o vindeiro 15 de maio. Esta medida busca favorecer aos propietarios de parcelas de monte con piñeiros debido a que as actuais condicións meteorolóxicas impiden o voo do vector, coleóptero que transmite a propagación do nematodo dunha árbore a outra. Estas cortas realízanse neste época debido a que este vector é atraído cara árbores debilitadas ou taladas recentemente, co fin de realizar a oviposición. No caso de que as condicións do voo deste insectos cambien debido as condicións meteorolóxicas procederase ao peche do período de cortas, do que se informará puntualmente mediante publicación no Diario Oficial de Galicia.