•O programa Conciénciate, con actividades para todas as idades, busca favorecer a dinamización social e a conciliación familiar e laboral

Conscientes dos cambios que a sociedade está a experimentar nos últimos tempos, e co obxectivo de mellorar a calidade de vida no medio rural, dende o Concello de A Pobra do Brollón vaise pór en marcha dende o mes de maio o programa Conciénciate, unha iniciativa pioneira na provincia de Lugo que conta coa colaboración da Área de Benestar da Vicepresidencia da Deputación.

FOMENTAR A PARTICIPACIÓN CIDADÁ E LOITAR CONTRA O ILLAMENTO

Según explicaron os responsables municipais, é obriga dos Concellos, como administracións máis próximas ós cidadáns, ofrecer resposta ós novos retos da sociedade actual, promovendo a participación cidadá en diferentes actividades que busquen a convivencia e a experiencia conxunta para facer fronte ó risco de illamento que supón a dispersión territorial e o alto índice de avellentamento.

COÑECEMENTO, CONVIVENCIA E HÁBITOS SAUDABLES, PIARES DO PROGRAMA CONCIÉNCIATE

Con esta finalidade, o programa Conciénciate está deseñado sobre diversas liñas de actuación, como o coñecemento da nosa historia, tradicións e tultura, a educación en valores, a convivencia e a educación para a saúde, o desenvolvemento físico saudable e a creatividade e participación. A boa aceptación deste programa por parte da veciñanza de A Pobra do Brollón vese nas cifras: en 2012 as diversas actividades da iniciativa Conciénciate foron seguidas por máis de 200 persoas. As actividades incluídas neste programa abranguen a todos os públicos, dende os máis novos ata os nosos maiores, tendo en conta actuacións específicas orientadas á mocidade, e tamén obradoiros que responden ás necesidades da poboación adulta en materia de formación e ocio sostible.

LUDOTECA, CAMPAMENTO URBÁN, OBRADOIROS E IDIOMAS, ORIENTADOS ÓS CATIVOS

Para os máis pequenos, o programa Conciénciate ofrece un calendario de animacións seguindo as celebracións do ano (as Letras Galegas ou o Entroido, entre outros), así como obradoiros de monicreques, teatro e contacontos. As actividades da Ludoteca tamén están incluidas no Conciénciate, con excursións, xogos, festas infantís e actividades de temática social. Este programa tamén ofrece formación ós cativos en idiomas e novas tecnoloxías, a través dun curso básico de informática e un curso de Lingua Inglesa para primaria e secundaria. Asimesmo, o campamento urbán de verán inclúe xogos deportivos, de mesa e educativos, teatro, modelaxe, xogos acuáticos e proxección de películas.

SENDEIRISMO, BÚSQUEDA DE EMPREGO, INFORMÁTICA E INGLÉS PARA A MOCIDADE

Ocio, formación e orientación laboral son as liñas básicas sobre as que se desenvolven as actividades do programa Conciénciate dirixidas á mocidade. O Concello de Brollón ofrece para esta banda de idade un curso de informática orientado ao aproveitamento dos programas básicos de funcionamento, e un curso básico de Lingua inglesa, así como un curso de técnica de búsqueda de emprego. Dentro da oferta de ocio, o programa Conciénciate inclúe varios ciclos de proxección de películas e debate das mesmas, e a realización de diversas rutas de sendeirismo.

ACTIVIDADES PARA ADULTOS

Unha fórmula similar é a ofrecida á poboación adulta, cun curso básico e elemental de inglés, outro de búsqueda de emprego, e actividades lúdicas vinculadas ó sendeirismo e a excursións para coñecer os lugares máis singulares e fermosos do municipio.

BENESTAR FÍSICO E MENTAL EN CONVIVENCIA PARA OS NOSOS MAIORES

O programa Conciénciate pon especial atención á banda de idade dos nosos maiores, deseñando para eles actividades que fomenten a relación social, evitando o illamento, e a actividade física e mental, para unha mellor calidade de vida. Talleres de memoria e actividades cognitivas a base de xogos, ximnasia de mantemento, pintura e manualidades impártense nos locais sociais das parroquias. O programa para os maiores compleméntase con excursións culturais e unha visita mensual ó Balneario.