Bo ritmo do Club Ciclista Chantadino nas últimas competicións

Un total de seis membros do C.C.Chantadino disputaron a mediados de abril a II Vuelta a Santander Master 2013, que constaba de dúas etapas en estrada de 85 Km cada unha, e cunha participación de preto de 200 ciclistas. 197 foron os que tomaron parte na primeira etapa, e onde a calor e o alto ritmo da proba fixeron que só un grupo reducido chegara á meta. Dentro deste pelotón estivo o corredor chantadino J.Ramón Caamaño, que acadou a quinta posición en Master40 na primeira etapa. Xa na segunda, os chantadinos saíron co obxectivo de intentar que o seu corredor Caamaño se metese en praza de podium, como finalmente foi logo dun bo traballo en equipo. Caamñao rematou no terceiro posto da xeral final do Master40.