En marcha o programa Tempos para maiores e personas con capacidades diferentes no sur de Lugo

Con preto de 450 participantes

Nestes días tivo lugar no sur de Lugo a posta en marcha das actividades integradas no programa Tempos, unha iniciativa promovida e financiada pola Área de Benestar da Vicepresidencia da Deputación co obxectivo de favorecer o desenvolvemento psicomotriz de persoas maiores ou con capacidades diferentes. O programa Tempos desenvolverase en concellos de menos de 5.000 habitantes. Este programa, que conta con preto de 450 participantes pertencentes a 20 asociacións de maiores e 7 de persoas con capacidades diferentes, desenvólvese con periodicidade semanal. Os participantes no programa Tempos acuden a talleres de ximnasia de intensidade baixa ou moderada, impartidos por monitores especializados, e que están dirixidos a estimular as súas capacidades motrices e cognitivas mediante xogos.

BOA ACOLLIDA

Tanto os participantes como os monitores e as familias destacan as vantaxes deste proxecto, que ten por obxectivo garantir o benestar das persoas con capacidades diferentes e dos maiores dos concellos con menos de 5.000 habitantes.

APOSTA PROVINCIAL POLA POBOACIÓN DO MEDIO RURAL

O programa Tempos está promovido e financiado pola Área de Benestar da Vicepresidencia da Deputación de Lugo. O responsable deste departamento, Antonio Veiga, suliñou que “estas actividades tamén están dirixidas a evitar o illamento no caso dos maiores, e a mellorar as habilidades sociais das persoas con capacidades diferentes no rural lucense”. O vicepresidente provincial destacou que “é a nosa obriga fomentar a igualdade de oportunidades con independencia da idade, as capacidades de cada un e o lugar de residencia”.

Deixa unha resposta

Your email address will not be published.

Nova Anterior

As administracións explican ós alcaldes lucenses o convenio de desfiuzamentos

Seguinte Nova

O establecemento Merceditas, de Chantada, galardoado pola súa traxectoria

Últimas noticias sobre INICIATIVAS

     
A %d blogueros les gusta esto: