O pasado mércores 10 de abril, alumnos e alumnas do IES Daviña Rey de Monforte participaron por segundo ano consecutivo no Campionato Provincial Escolar de Orientación, que tivo lugar no Parque do Hotel Balneario de Guitiriz. A proba provincial, que presentaba un percorrido, variable según as categorías, de entre 2.800 e 3.500 metros, contou coa participación dun total de 47 alumnos, dos cales 10 clasificáronse para o Campionato Galego Escolar do 26 de abril no Barco de Valdeorras.
PARTICIPACIÓN DESTACADA DO ALUMNADO DO IES DAVIÑA REI NAS DIFERENTES CATEGORÍAS
Na proba celebrada en Guitiriz, a alumna do IES Daviña rey Lucía López Sobrado repetiu o primeiro premio do Campionato Provincial Escolar de Orientación na categoría infantil feminina, que xa gañara o pasado ano. Nesa mesma categoría cabe destacar a actuación de Sara Rodríguez Barrientos, que acadou o quinto posto, e de Joana Méndez Pereira, que logrou a undécima posición. Pola súa banda, na categoría de infantil masculino, Dilan Bischof rematou a proba na cuarta posición, e Jorge Froilán Pérez García acadou o oitavo posto. Na categoría de cadete feminino, Sonia Rodríguez Vázquez conseguiu a cuarta posición, e Laura Correas Martínez a duodécima. Asimesmo, na categoría cadete masculino, Iván López López rematou en sexta posición, Óscar Castro Unsaín en oitava, e Héctor López Taboada na decimoquinta.
Cargando ...
