Monforte acolleu a fase final do Campionato Galego de Voleibol Infantil na categoría feminina

O pasado 21 de abril, o Pavillón de A Pinguela foi o esceario dos partidos da fase final do Campionato Galego de Voleibol Infantil feminino, probas simultáneas ás da categoría masculina que se disputaron na capital provincial.

AS MONFORTINAS DA A.D. A PINGUELA SUPERARON A PRIMEIRA SEMIFINAL

As xogadoras da A.D. A Pinguela disputaron a primeira semifinal contra as do Liceo de A Coruña, mentres que o Emevé batiuse na outra semifinal co Pontevedra A. As monfortinas lograron a victoria na primeira semifinal nun partido moi igualado, e a segunda proba rematou con resultado favorable ás lucenses do Emevé, que superaron ás pontevedresas nun encontro sen complicacións.

A.D. A PINGUELA INFANTIL, PRATA NO CAMPIONATO GALEGO

As xogadoras monfortinas víronse as caras na final coas que serían campionas de Galicia por segundo ano consecutivo. O resultado de 3-0 deste partido demostrou o bo estado de forma e de xogo das xogadoras lucenses do Emevé, que veñen de facer unha tempada impecable sen derrotas, según confirman dende a Federación Galega de Voleibol. O traballo e esforzo das coruñesas do Liceo veuse premiado co acceso ó terceiro posto na competición galega. Serán finalmente as xogadoras do Emevé de Lugo as que representarán a Galicia nesta categoría no Campionato de España, que se disputará en Barcelona do 22 ó 26 de maio.

Deixa unha resposta

Your email address will not be published.

Nova Anterior

Lucía López Sobrado, bicampeona provincial escolar de Orientación

Seguinte Nova

Pulo ao polígono industrial de Chantada

Últimas noticias sobre DEPORTES

   
A %d blogueros les gusta esto: