Dentro da iniciativa institucional da “Semana do teu Comercio”

O veterano establecemento Merceditas, na Praza de Santa Ana de Chantada, recibiu a homenaxe oficial pola súa traxectoria de 68 anos no eido comercial da man da delegada territorial da Xunta en Lugo, Raquel Arias, e o alcalde Manuel Varela. Durante a entrega do premio da Semana do teu Comercio, Arias destacou a importancia do comercio como “elemento dinamizador da economía e sociedade locais” na nosa provincia, e destacou “o bo facer dos negocios locais, como Merceditas, que souberon adaptarse aos tempos acadando a pervivencia do negocio a través da calidade e proximidade ao cliente”. Asimesmo, Raquel Arias gabou o papel do Centro Comercial Aberto Ribeira Sacra “a prol da dinamización comercial e dos preto de 150 asociados que o integran”.